ЗВЁЗДОЧКА БАЛЬЗАМЫ®
Соодадагы аталышы: Звёздочка бальзамы®
Эл аралык патенттелбеген аталышы: жок
Дарынын түрү
Дары карандашы
Курамы
Бир дары карандашында тѳмѳнкүлѳр камтылган:
Таасир берүүчү заттар:
Левоментол - 0,658 г;
Камфора рацемиялык - 0,124 г;
Ачуу жалбыз жалбырагынын майы - 0,258 г;
Эвкалипт жалбырагынын майы -0,065 г;
Чече гүлдүн майы - 0,005 г;
Кытай коричника кабыгынын майы - 0,006 г;
Кѳмѳкчү заттар:
Green mediol жыпар жыт бергичи - 0,0143 г;
Суюк парафини - 0,1697 г.
Сүрѳттѳмѳсү
Ак түстѳгү желим тюбик тыгыз капкакча менен жабылган, тюбиктин ичинде цилиндр формасындагы фильтр жайгашкан, курам бѳлүктѳрү менен сиңдирилген; ѳзгѳчѳ жыты бар.
Фармадарылык тобу: Жѳтѳл жана суук тийген симптомдорду четтетүү үчүн дарылар. Жѳтѳл жана суук тийгенди четтетүү үчүн башка айкалышкан дарылар.
АТХ Коду: R05Х
Фармакологиялык касиети
Дары жергиликтүү дүүлүктүрүүчү, кѳңүлдү буруучу жана антисептикалык таасирге ээ.
Ментол (Левоментол) – жеңил жергиликтүү дүүлүктүрүүчү таасирге ээ, теринин муздак рецепторлорун жана былжырлуу челин жѳнгѳ салат, жеңил антисептик болуп саналат. Ментолдун муздатуучу таасири теринин рецепторлорунда болгон кычышууну, дүүлүгүүнү тѳмѳндѳтѳт, мисалы аллергия жана ринит учурунда.
Камфора (Камфора рацемиялык) – дем алуу борборун сергитет жана кан тамырчаларды кыймылга келтирген борборун жѳнгѳ салат. Камфоранын таасири алдында перифериялык кан жүгүргѳн кан тамырлар ичкерет. Какырыктын чыгышын камсыз кылат.
Ачуу жалбыз майы - седативдик, ооруксунууну баскан, антисептикалык, жалпы бекемдѳѳчү, спазмолитикалык таасир берет. Капиллярдык кан айланууну жакшыртат. Суук тийгенде, сасык тумоодо, синуситте ачуу жалбыз майы дем алуу жолдорун жакшы тазалайт. Баш ооруу, талмоорсуу, стресстерде, психоневроздордо, ашыкча эмоционалдык дүүлүгүүдѳ, абдан чарчаганда, уйкусуздукта, невралгияларда, ревматизмде, дем алуу жолдорунун сезгенген ооруларында (ринит, фарингит, ларингит, трахеит ж.б.), баш мээнин кан тамырларынын карышуусуна байланыштуу ооруларда, гипертонияларда колдонулат.
Эвкалипт жалбырагынын майы – былжырлуу чел кабыктын рецепторлоруна жѳнгѳ салуучу таасир берет жана абдан жакшы сезгенүүгѳ каршы, антисептикалык каражат болуп саналат. Эвкалипттин эфир майы ингаляцияларда жакшы жардам берет – тез жана таасирдүү түрдѳ мурун кобулун тазалайт. Эвкалипт майы сезгич нерв булаларын жѳнгѳ салат жана баш ооруда, жогорку дем алуу жолдорунун ооруларында, суук тийген ооруларда алмаштыргыс каражат болуп саналат.
Чече гүлдүн майы – абдан күчтүү антисептикалык, спазмолитикалык, тыңытуучу жана жѳнгѳ салуучу таасирге ээ. Чече гүлдүн майы мээнин ишмердигин жѳнгѳ салат жана акыл ишмердигин колдойт, ойду бир жерге топтоо жѳндѳмдүүлүгүн жогорулатат.
Кытай коричника майы - микробко каршы таасирге ээ, мите козу карындардын ѳрчүүсүнѳ жолтоо болот. Корицанын дарылык таасири кан айланууну жѳнгѳ салат, бул айрыкча суук тийген ооруларда пайдалуу.
Колдонууга кѳрсѳтмѳ
Ринитти комплекстүү дарылоодо (мурундун былжыр чел кабыгынын сезгенүүсү) антисептикалык каражат катары колдонулат.
Каршы кѳрсѳтмѳ:
Дарынын курам бѳлүгүнѳ жогорку жекече сезгичтик, кѳк жѳтѳл, бронхоспазмга жакындык, бронхалык астмага, эпилепсияга жакындык, анамнезинде (ошондой эле фебрилдик) калтыроонун болушу. 2 жашка чейинки балалык курак.
Колдонуу жолу жана дозасы
Ингаляцияны мурун кобулу аркылуу жасашат, күнүнѳ 10-15 жолудан 1 колдонууда 1-2 жолу дем алуудан.
Дарылоонун узактыгы оорунун ѳзгѳчѳлүгүн, жеткен натыйжага жана дары каражатын кѳтѳрѳ алган абалга жараша эске алуу менен дарыгер тарабынан аныкталат.
Кыйыр таасири
Бронхоспастикалык реакциялар, аллергиялык реакциялар болушу мүмкүн, алар пайда болгондо дарыны кабыл алууну токтотуу керек.
Балдарда рефлектордук бронхоспазмдын ѳрчүүсү, дем алуунун рефлектордук басаңдашы (апноэга чейин) жана коллапс болушу мүмкүн.
Бул нускамада сүрѳттѳлбѳгѳн кыйыр таасирлер пайда болгондо дарыны кабыл алууну токтотуп, дарылаган дарыгерге маалымдоо керек.
Ашыкча доза
Бүгүнкү күнгѳ чейин ашыкча доза тууралуу маалымдалган эмес.
Дарыны капыстан кабыл алган учурда ашыкча доза симптомдору ашказан-ичеги (кѳңүл айнуу, кусуу, диарея, ичтин оорушу) жана неврологиялык бузулууларды ичине камтыйт (баш ооруу, баш айлануу, ысыкты сезүү/«кан келүүлѳр», калтыроо, дем алуунун басылышы жана кома).
Дарылоо симптоматикалык. Кусууну козгоого болбойт, андан кийин камфора менен ингаляция кылуу кооптуулугу бар жана кичүү жаштагы балдарда ларингоспазмдын ѳрчүүсүнѳ байланыштуу, ѳлүмгѳ алып келиши мүмкүн. Бальзамды ичип кабыл алган учурда дароо дарыгерге кайрылуу керек.
Башка дары каражаттары менен ѳз ара таасири: сүрѳттѳлгѳн эмес.
Ѳзгѳчѳ кѳрсѳтмѳлѳр
Бальзамды кѳздүн конъюнктивасына, былжырлуу чел кабыкка жана ачык жаратка тийгизгенден оолак болуу керек. Дарыны балдарга колдонууга болбойт, анткени ал бронхоспазм жана дем алуунун басаңдашын козгошу мүмкүн. Эгерде дары каражатын кабыл алууда симптомдор сакталса же абалдын начарлашы болсо, дарыгерге кайрылуу керек.
Кош бойлуулукта жана эмчек эмизүүдѳ колдонуу: кош бойлууларга жана эмчек эмизген аялдарга дарыны колдонуу боюнча тажрыйба жок, кош бойлууларга жана эмчек эмизген аялдарга дарыны колдонуу сунушталбайт.
Унаа каражатын жана механизмдерди башкаруу жѳндѳмдүүлүгүнѳ тийгизген таасири: психомотордук реакциялардын тездигин (унаа каражаттарын башкаруу, кыймыл механизмдери менен иштѳѳ, диспетчер жана оператордун жумушу) жана жогорку кѳңүл бурган концентрацияларды талап кылган потенциалдуу коркунучтуу ишмердиктин түрлѳрүн аткаруу жѳндѳмдүүлүгүнѳ дарыны колдонууда таасирин тийгизбейт.
Чыгаруу формасы жана таңгакчасы
1,3 г дан дары полиэтилен капкакчасы бар ак түстѳгү полиэтилен тюбикке салынган, тюбиктин ичинде целлюлоза ацетатынан турган фильтр курам бѳлүктѳрдүн эритмеси менен сиңирилген. Карандаштын капкакчасына кагаз этикетка чапталган. Дары карандашы медицинада колдонуу боюнча нускамасы менен бирге картон кутучага салынган.
Сактоо шарты
30 оС дан жогору эмес аба табында, жарыктан корголгон жерде сактоо керек.
Балдар жетпеген жерде сактоо керек!
Жарактуулук мѳѳнѳтү
5 жыл. Таңгакчада кѳрсѳтүлгѳн жарактуулук мѳѳнѳтү бүткѳндѳн кийин дары каражатын колдонууга болбойт.
Дарыканалардан берүү шарты
Рецепти жок.
Өндүрүүчү
ДАНАФА ФАРМАСЬЮТИКАЛ ДЖОЙНТ СТОК КОМПАНИ
253-үй, Зунг Си Тхань Тхе кѳчѳсү, Тхань Тхе району, Дананг шаары, Вьетнам.
Кыргыз Республикасынын аймагында сапаты боюнча арыз-доолорду (сунуштарды) кабыл алган уюмдун дареги жана аталышы:
«DasMed» Limited Liability Company (ЖЧК «DasMed»)
720043, Кыргыз Республикасы, Бишкек ш., Садыгалиева , кѳч.,1.
Тел.:+996 312 35 75 42, e-mail: product@dasmed.kg.
